ვენეციის კომისიის პრეზიდენტისა და საპარლამენტო უმრავლესობის შეხვედრა დასრულდა. შეხვედრა ბათუმში გაიმართა და მას პრემიერ-მინისტრი და პარლამენტის თავმჯდომარე დაესწრნენ. საქართველოს პრემიერ-მინისტრმა შეხვედრის დასრულების შემდეგ ჟურნაისტებისთვის კომენტარი გააკეთა, მისი თქმით მმართველი ძალა კონსტიტუციის საკითხზე მნიშვნელოვან პოლიტიკურ კომპრომისებზე წავიდა.

"ძალიან ვაფასებთ პირადად ჯანი ბუკიკიოს ძალიან მნიშვნელოვან რეკომენდაციებს, რომლებიც იყო საბაზისო საფუძველი ძალიან მნიშვნელოვანი კონსტიტუციური ცვლილებების, რომლებიც ხორციელდება ჩვენს ქვეყანაში. რა თქმა უნდა, ასეთი პოლიტიკური გადაწყვეტილების პროცესი არის საკმაოდ რთული და ჩვენ ამ პროცესში ვართ. მე მადლობა გადავუხადე ვენეციის კომისიის პრეზიდენტს უმნიშვნელოვანესი მხარდაჭერისთვის და გვქონდა ასევე საუბარი, რომ ჩვენ გავაგრძელებთ რა თქმა უნდა, დიალოგს. ჩვენ გავაკეთეთ ძალიან მნიშვნელოვანი პოლიტიკური კომპრომისები და ვფიქრობ, რომ ასევე ოპოზიციამაც უნდა შეხედოს ამ კომპრომისებს, როგორც ძალიან მნიშვნელოვან მიღწევას,“ - აღნიშნა გიორგი კვირიკაშვილმა.