საქართველო სექსტრეფიკინგისა და შრომითი ექსპლუატაციის სატრანზიტო ქვეყანაა

საქართველო სექსტრეფიკინგისა და შრომითი ექსპლუატაციის სატრანზიტო ქვეყანაა - აშშ-ის სახელმწიფო დეპარტამენტის ანგარიში

პოლიტიკა - 13:10, 28 Jun, 2017

2157

ტრეფიკინგთან დაკავშირებით მსოფლიოში არსებულ ვითარებაზე აშშ-ის სახელმწიფო დეპარტამენტი ყოველწლიურ ანგარიშს აქვეყნებს, რომელშიც საქართველოს შესახებაც არის საუბარი.

საქართველოს ნაწილში, სახელმწიფო დეპარტამენტის ანგარიშში ნათქვამია, რომ საქართველოს მთავრობა სრულად იცავს ტრეფიკინგის აღკვეთასთან დაკავშირებულ მინიმალურ სტანდარტებს. მთავრობა განაგრძობს სერიოზული ძალისხმევის დემოსნტრირებას აღნიშნული თემის წინააღმდეგ და უკვე მეორე წელია, პირველ კალათაში ხვდება, თუმცა ანგარიშში ნათქვამია, რომ საქართველო და კერძოდ აჭარის რეგიონი, სექსტრეფიკინგის ტრანზიტად რჩება.

“როგორც აღინიშნა, ბოლო ხუთი წელია, საქართველო არის გოგონების და ქალების სექსტრეფიკინგის, ასევე მამაკაცების, ქალების და ბავშვების შრომითი ექსპლუატაციის წყარო, სატრანზიტო და მიმართულების ქვეყანა.

ქართველი გოგონები და ქალები სექსტრეფიკინგის მსხვერპლნი არიან ქვეყნის შიგნით, თურქეთში, ასევე ჩინეთსა და არაბთა გაერთიანებულ საემიროებში. საქართველი ასევე ტრანზიტული ქვეყნაა ქალებისთვის, რომლებიც ცენტრალური აზიიდან თურქეთში გადაჰყვათ.

ქალები აზერბაიჯანიდან და ცენტრალური აზიიდან, იძულებულები არიან პროსტიტუციით დაკავდნენ ტურისტულ რეგიონში - აჭარაში , ასევე საუნებში, სტრიპტიზ ბარებში, კაზინოებში და სასტუმროებში. ტრეფიკინგის მსხვერპლთა უმრავლესობა ახალგაზრდააა, უცხოელი ქალები, რომლებიც სამსახურს ეძებენ.

ქართველი კაცები და ქალები შრომითი ექსპლუატაციის მსხვერპლნი არიან საქართველოში, თურქეთში, არაბთა გაერთიანებულ საემიროებში, ეგვიპტეში, კვიპროსსა და ერაყში“ - ნათქვამია ანგარიშში.

დოკუმენტში აღნიშნულია, რომ მათ არ აქვთ ინფორმაცია საქართველოს ოკუპირებულ ტერიტორიბზე - აფხაზეთსა და სამხრეთ ოსეთსი არსებული ვითარების შესახებ . თუმცა, აღნიშნულია, რომ მთავრობა და NGO-ები აცხადებენ, რომ ტრეფიკინგის ყველაზე მოწყვლად ჯგუფებს აიდიპები წარმოადგენენ.

ანგარიშში აღნიშნულია, რომ მიუხედავად მთავრობის მცდელობისა, კვლავ პრობლემად რჩება ბავშვების შრომის ექსპუატაცია, რაც ძირითადად ქუჩაში იძულებით მუშაობაში გამოიხატება.