გორის ცენტრალურ მოედანს, ადგილს სადაც სტალინის ბრინჯაოს მონუმენტი სამოც წელზე მეტხანს იდგა და სადაც 2008 წლის აგვისტოში რუსული ჭურვები ცვიოდა, „ევროპის მოედანს“ აღარ დაარქმევენ.

„ნიუპოსტის“ კორესპონდენტის ცნობთ, ამის შესახებ გადაწყვეტილება ქალაქ გორის საკრებულოს, სივრცით-ტერიტორიული დაგეგმარებისა და ინფრასტრუქტურის კომისიამ მიიღო, რომლის ხელძღვანელიც პაპუნა კობერიძეა. კომისიის მიერ უარყოფითი დასკვნის დადებიდან გამომდინარე, საკითხი უახლოეს საკრებულოს სხდომის დღის წესრიგშიც ვეღარ მოხვდება. გადაწყვეტილების მიმღები პირები განმართავენ, რომ ეს თემა საზოგადოებისთვის ფაქიზად მისაღებია და მათი აზრის გათვალისწინების გარეშე ერთი ხელის მოსმით და ნაჩქარევად ვერ გადაწყდება.

შეგახსენებთ, გორის ცენტრალური მოედნისთვის, სახელის დარქმევის ინიციატივა საკრებულოს დამოუკიდებელ დეპუტატ თამარ თედლიაშვილს ეკუთვნის. ის სადგურის დასახლებაში, ქარხსნის ქუჩის სახელის, ანა სოლოღაშვილის სახელით ჩანაცვლებასაც ითხოვდა.
გორის ცენტრალური მოედნისთვის სახელის დარქმევის საკითხმა ადგილობრივების აზრთა სხვადასხვაობა გამოიწვია. ქალაქის ცენტრალური მოედანი, სტალინის ქუჩაზე მდებარეობს და გორელების ნაწილმა მიიჩნია, რომ იმ შემთხვევაში თუ მოედანს „ევროპის მოედანს“ დაარქმევდნენ, ქალაქის მთავარ გამზირსაც, სტალინის სახელი გადაერქმეოდა.