საქართველო-აზერბაიჯანის საზღვარზე ჩაწერილი სკანდალური ინტერვიუ

საქართველო-აზერბაიჯანის საზღვარზე ჩაწერილი სკანდალური ინტერვიუ - „იბერიას“ მორიგი ექსკლუზივი

პოლიტიკა - 09:46, 28 Jun, 2017

5809

როგორ და ვის კაბინეტში დაიგეგმა წარმატებული დიპლომატის, მეცნიერისა და გავლენიანი ჩინოვნიკის დაჭერის ოპერაცია, - ამის შესახებ იქნება დღეს საუბარი ტელეკომპანია „იბერიას“ გადაცემაში - „ინტერვიუ ვანიჩკასთან“, რომელიც ტრადიციულად, 21:30 საათზე დაიწყება.

„არ გეტყვით, რომ ეს ადამიანი თანამედროვე დათა თუთაშხიაა, მაგრამ რამდენიმე წელი აბრაგობაში გაატარა. ჰოდა, ამ ამბავს თავისი გრაფი სეგედიც ჰყავს, მუშნი ზარანდიაც, არქიფოც და, თქვენ წარმოიდგინეთ, ბეჩუნიც,“ - ამბობს გადაცემის ავტორი და პროდიუსერი ვანო პავლიაშვილი, რომელიც რესპონდენტის ვინაობას არც ამჯერად ამხელს, თუმცა ერთ მინიშნებას აკეთებს და განმარტავს, რომ ადამიანი, რომელიც 13-წლიან დუმილს ექსკლუზიურად „იბერიასთან“ არღვევს, თითქმის ერთადერთია, რომელმაც „ნაციონალების“ მოტყუება მოახერხა და, მობილიზებული სპეცრაზმის მიუხედავად, ქვეყნიდან გაიქცა.

„ამ პიროვნებამ წლები დევნილობაში გაატარა. ხან სად იმალებოდა და ხან - სად. თავს უმეტესად აზიურ ქვეყნებს აფარებდა, მათ შორის, ავღანეთსაც,“ - ამბობს გადაცემის ავტორი და დასძენს, რომ დრამა, რომლის შესახებაც დღეს, საღამოს

სხვათა შორის, დაუმონტაჟებელი ინტერვიუ საქართველო-აზერბაიჯანის საზღვარზეა ჩაწერილი და, როგორც პავლიაშვილი ამბობს, ეს გადაცემა გულგრილს არავის დატოვებს.

აქვე, შეგახსენებთ, რომ დაუმონტაჟებელი ინტერვიუების ციკლი - „ინტერვიუ ვანიჩკასთან“ ტელეკომპანია „იბერიას“ ახალი პროექტია, რომელიც ეთერში ყოველ ოთხშაბათს, 21:30 საათზე გადის. ამ ეტაპზე გადაცემის სტუმრები იყვნენ: საინფორმაციო-სადაზვერვო სამსახურის ყოფილი უფროსი ირაკლი ბათიაშვილი; ფრაქცია „საქართველოს პატრიოტების“ თავმჯდომარე გიორგი ლომია, საქართველოს პირველი პრეზიდენტის, ზვიად გამსახურდიას უფროსი ვაჟი კონსტანტინე გამსახურდია, შს ყოფილი მინისტრი, ამჟამად დეპუტატი კობა ნარჩემაშვილი და ანალიტიკოსი ხათუნა ლაგაზიძე.