პრეზიდენტის პრესსპიკერმა დღეს გამართულ სპეციალურ ბრიფინგზე საარჩევნო კანონმდებლობის ცვლილებასთან დაკავშირებით პრეზიდენტის პოზიცია გააჟღერა. ეკა მიშველაძის თქმით, პრეზიდენტი თვლის რომ ასეთი მნიშვნელოვანი ცვლილებები არა ფორსირებულ რეჟიმში, არამედ ფართო ჩართულობით უნდა ხორციელდებოდეს:

„პრეზიდენტის სახელით მინდა გამოვეხმაურო საქართველოს ორგანულ კანონში საარჩევნო სისტემასთან დაკავშირებით შესატან ცვლილებებს. მოგეხსენებათ, რომ ამ ცვლილებებთან დაკავშირებით პოლიტიკურ პარტიებს და არასამთავრობო ორგანიზაციებს აქვთ არაერთი შენიშვნა. ჩვენი მოსაზრება არის რომ ასეთ მნიშვნელოვანი კანონში ასეთი მნიშვნელოვანი ცვლილებების შეტანა არ უნდა ხდებოდეს ფორსირებულად. ეს უნდა ხდებოდეს ფართო ჩართულობის საფუძველზე და ჩვენ ამ პროცესს ძალილან ყურადღებით მივადევნებთ თვალ-ყურს“- განაცხადა ეკა მიშველაძემ.