თბილისის საქალაქო სასამართლოში დღეს პრეზიდენტის ქალიშვილს დაკითხავენ. პროცესი 11:00 საათზე უნდა დაწყებულიყო, თუმცა საქმის პროკურორი ვასილ სამხარაძე სასამართლო დარბაზში არ იმყოფება. არსებობს სხდომის გადადების ალბათობა:

„მათი დაკავება მოხდა კონკრეტულად რესტორნის სასადილოს ადგილას, შიგნით და დაკავება მოხდა 5 და არა 45 წუთის მანძილზე, როგორც ამას ამტკიცებენ. ძალიან ბევრი დარღვევა არის მანდ. ის, რომ არ გაუჩხრეკიათ, არ შეუდგენიათ არანაირი ოქმი და წაიყვანეს, მანქანაში ჩატენეს უხეშად, არც არანაირი საბუთი არ წარუდგენიათ და მოიტაცეს ადამიანი,“- განაცხადა ანა მარგველაშვილმა.

დღესვე სასამართლო ამავე საქმეზე პრეზიდენტის სიძეს მინდია გოგოჭურს დაკითხავს:

„დავადასტურებ 15 მარტს პოლიციის მხრიდან ძალადობრივ ქმედებას ჩვენ მიმართ და მიხეილ თათარიშვილის მიმართ დიდი ოდენობით ნარკოტიკის ჩადებას. მე იმ დროს მასთან ერთად ვიმყოფებოდი, ეს იმითაც დავადასტურე, რომ ამოვიღე „ჯეოსელიდან“ ანტენებით ჩემი ადგილმდებარეობა იმ მომენტისათვის,“- განაცხადა მინდია გოგოჭურმა.