ე.წ. ციანიდის საქმეზე დღევანდელი სასამართლო პროცესი თბილისის საქალაქო სასამართლოში დასრულდა. ადვოკატების განცხადებით, მომწამვლელ ნივთიერებასთან დეკანოზს რანაირი კავშირი არ ჰქონდა.

მიხეილ რამიშვილმა სასამართლო პროცესის დასრულების შემდეგ განაცხადა, რომ დეკანოზს ციანიდი ჩაუდეს:

„უსაფრთხოების სამსახურს, ყველანაირი შესაძლებლობა აქვს და ყველანაირი იარაღი გააჩნია, რომლითაც შეუძლია ნებისმიერი ჩემოდანი გახსნას, თუ არსებობს რაიმე ეჭვი.

ეს ერთი, მეორე - არსებობს თუ არა აეროპორტში სათვალთვალო კამერები? აბსოლუტურად ყველგან არის, იმ ოთახშიც კი სადაც მოხდა ჩანთის ე.წ. დალუქვა.

მ​ოგეხსენებათ, მიუხედავად არაერთი მონდომებისა, რომ ვიდეოსათვალთვალო კამერიდან აღებული კადრები ყოფილიყო საქმეში, თვითონ ბრალდების მხარეს არ წარმოუდგენია",-აცხდებს მიხეილ რამიშვილი.

დღევანდელ პროცესზე პროკურატურის 7 მოწმე დაიკითხა.მათ შორის, აეროპორტის უსაფრთხოების თანამშრომლები, დეკანოზის ორი მეზობელი, მამა გიორგის ბინის მეპატრონე და „კვირის პალიტრის“ ჟურნალისტი. ასევე გამგეობის წარმომადგენელი, რომელმაც მამაოს ბინა გააღო, რათა ჩხრეკა ჩატარებულიყო.სასამართლო განხილვა ე.წ. ციანიდის საქმეზე 29 ივნისს, 11:00 საათზე გაგრძელდება.