"იწყება ის მნიშვნელოვანი გამარჯვება, რომელიც ჩვენს სამშობლოს ასე სჭირდება"- ენმ-მ კანდიდატები წარადგინა

პოლიტიკა - 12:09, 26 Jun, 2017

2600

მეტეხის ტაძართან ერთიანი ნაციონალური მოძრაობა თბილისის მერისა და საკრებულოს თავმჯდომარის კანდიდატურებს საზოგადოებას ოფიციალურად წარუდგენს. როგორც ენმ-ს წევრმა გრიგოლ ვაშაძემ სიტყვით გამოსვლისას განაცხადა ენმ-ს ბევრი აქვს წარსულში საამაყო, თუმცა დიდი გამარჯვებები ჯერ კიდევ წინაა.

„ამ ტაძრის ტერიტორიიდან იწყება ის მნიშვნელოვანი გამარჯვება, რომელიც ჩვენს სამშობლოს და სახელმწიფოს ასე სჭირდება, დარწმუნებული ვარ რომ საქართველოს მოსახლეობის უმრავლესობა, ასაკოვანი ადამიანები რომელიც დაუღალავად შრომობდნენ, ახალგაზრდები რომელთაც ევროპულ ცივილიზებულ საქართველოში ცხოვრება სურთ, ქალბატონები ვინც ოჯახის სარჩოსთვის დაუღალავ შრომაში არიან, აბსოლუტური უმრავლესობა ენმ-ს კანდიდატს დაუჭერს მხარს. ჩვენ მტრობით და შურისძიების სურვილით არ შემოვდივართ ამ კამპანიაში. სხვისმა შურმა და ღვარძლმა დაგვანახა ჩვენი შეცდომები, სარკეში ჩაგვახედა და გვასწავლა ის როგორ უნდა წავიდეთ მომავალში და გაგვითავისა, რომ კონფლიქტებით გარშემორტყმულ საქართველოს თავისი შვილების ერთად დგომა და ერთად მუშაობა სჭირდება.“- განაცხადა გრიგოლ ვაშაძემ.