7 თვითმმართველი ქალაქის საკითხზე დღეს პარლამენტში იმსჯელებენ

პოლიტიკა - 11:17, 26 Jun, 2017

1333

ადგილობრივი თვითმმართველობისა და საარჩევნო კოდექსში გასახორციელებელ ცვლილებებზე დღეს პარლამენტის ადამიანის უფლებათა დაცვის კომიტეტი იმსჯელებენ.

ცვლილებები 7 თვითმმართველინ ქალაქის შესაბამის მუნიციპალიტეტთან გაერთიანებას ითვალისწინებს, რის შემდეგაც 12 თვითმაართველი ქალაქისგან მხოლოდ 5 დარჩება. მმართველი გუნდის წარმომადგენლის გურამ მაჭარაშვილის თქმით, მანიპულაციების თავიდან ასაცილებლად საჭიროა ხაზგასმა იმ ფაქტისა, რომ თვითმართველ ქალაქს შესაბამის მუნიციპალიტეტთან გაერთიანების შემდეგ ქალაქის სტატუსი უნარჩუნდება:

„7თვითმმართველი ქალაქის გაერთიანება ხდება შესაბამის მუნიციპალურ თემებთან, ქალაქის სტატუსის შენარჩუნებით. ეს მნიშვნელოვანია, რომ აღინიშნოს, იმიტომ რომ, ხშირ შემთხვევაში მანიპულირება ხდება, რომ ქალაქს უუქმებენ მოსახლეობას, ეს ასე არ არის. ასევე მერის სტატუსი შემოდის გამგებლის ნაცვლად.“ - განაცხადა „ქართული ოცნების“ წევრმა გურამ მაჭარაშვილმა.

აღნისნულ ცვლილებებს ეწინააღმდეგება ოპოზიცია, მათი შეფასებით ეს ცვლილება უკან გადადგმული ნაბიჯია და ძალაუფლების ერთ ხელში კონცენტრაციას და ხელმძღვანელი პირების არჩევითობის გაუქმებას ემსახურება.

საქართველოს რეგიონალური განვითარებისა და ინფრასტრუქტურის სამინისტროს მიერ მომზადებული საკანონმდებლო პროექტის თანახმად, თვითმმართველი ქალაქის სტატუსი ექნება მხოლოდ თბილისს, რუსთავს, ქუთაისს, ფოთს და ბათუმს. ქალაქისა და მუნიციპალიტეტის გაერთიანების პრონციპით შეიქმნება გორის, ამბროლაურის, მცხეთის, ოზურგეთის, თელავის, ახალციხისა და ზუგდიდის მუნიციპალიტეტები.