თვითმმართველობის კოდექსში დაგეგმილი ცვლილებები - არასამთავრობო სექტორის წარმომადგენლების განცხადებით, აღნიშნული ცვლილებები ხელისუფლების პოზიციების გამყარებას ისახავს მიზნად. მათი შეფასებით ხელისუფლება პროცესების გაკონტროლებას და ძალაუფლების შენარჩუნებას ცდილობს:

„თუკი გავითვალისწინებთ თვითმმართველობის არჩევნებს ამ 7 ახალ ქალაქში, ხელისუფლებას ძალიან გაუჭირდა მისთვის სასურველი შედეგების მიღწევა, როგორც საკრებულოში, ასევე მერების არჩევის თვალსაზრისით. ასე რომ, ამ გადაწყვეტილებას რა თქმა უნდა, აქვს პოლიტიკური შემადგენელი და ბუნებრივია, არ უნდა გამოვრიცხოთ, რომ სწორედ ამითაც იყოს ნაკარნახევი ხელისუფლების გადაწყვეტილება, რომ გააუქმოს ის შვიდი ქალაქი,“ - განაცხადა "საქართველოს სტრატეგიული კვლევებისა და განვითარების ცენტრის" მთავარმა სპეციალისტმა ლევან ალაფიშვილმა.