პოროშენკოს ვიზიტი თბილისში - განიხილება თუ არა სააკაშვილის ექსტრადირება?

პოლიტიკა - 22:57, 23 Jun, 2017

4977

აპირებს თუ არა უკრაინის პრეზიდენტი მიხეილ სააკაშვილისთვის მოქალაქეობის ჩამორთმევას და საქართველოში ექსტრადაციას?

პეტრო პოროშენკო საქართველოში ივლისში ჩამოდის, ამის შესახებ მან რუსთავი 2-ს ექსკლუზიურად განუცხადა.

იქნება თუ არა ვიზიტისას საქართველოს პირველ პირებთან სააკაშვილის საკითხი განხილული არ დაუკონკრეტებია, მან მხოლოდ ის აღნიშნა, რომ უკრაინის მოქალაქეების მოქალაქეობაზე საუბარს არავისთან აპირებს.

,,გაგიმხელთ, რომ პირველი სახელმწიფო ვიზიტი შედგება ივლისში. არავისთან ვაპირებ უკრაინის მოქალაქის მოქალაქეობის განხილვას. ეს ერთი და მეორე - არ ვემხრობი იდეას, შევაფასო რაც აკეთებს მიხეილ სააკაშვილის ჩემს ქვეყანაში, რადგან ის პირადად მე მოვიწვიე დამხმარებოდა ოდესის ოლქში რეფორმების გასატარებლად. სამწუხაროდ შედეგს ხედავთ“ - განაცხადა პოროშენკომ.

საქართველოს მესამე პრეზიდენტის მიხეილ სააკაშვილის საქართველოში ექსტრადირების შესახებ ინფორმაცია რამდენიმე დღის წინ გავრცელდა. თუ პარტია „ახალ ძალთა მოძრაობის“ ლიდერი მიხეილ სააკაშვილი არ მიატოვებს თავის ოპოზიციურ მოღვაწეობას, მას საქართველოში ექსტრადაცია ელოდება, რის შესახებაც მოლაპარაკები უკრაინის პრეზიდენტ პოროშენკოსა და საქრთველოს ხელისუფლებას შორის უკვე მიმდინარეობს - ამის შესახებ უკრაინის გენერალური პროკურორის ყოფილმა მოადგილემ, დავით საყვარელიძემ ტელეკომპანია ZIK-ის ეთერში განაცხადა.