„რაღაც ტიპის თოფიანი კაცები“- ხიდაშელი "სხვა შეიარაღებულ ძალებთან" დაკავშირებით კონსტიტუციის ჩანაწერზე

პოლიტიკა - 16:27, 23 Jun, 2017

1249

მმართველი გუნდის მიერ წარმოდგენილი კონსტიტუციის პროექტი, რომელიც უშიშროების საბჭოს გაუქმებასა და ქვეყანაში დამატებითი სამხედრო ძალის გაჩენის გულისხმობს, უსაფრთხოების ექსპერტების კრიტიკის საგანი ხდება. საქართველოს თავდაცვის ყოფილი მინისტრი, თინა ხიდაშელი, მიიჩნევს, რომ ცუდი მმართველის პირობებში ამგვარად შესაძლოა, ქვეყანაში ახალი მხედრიონი გაჩნდეს. კონსტიტუციის ახალ ვარიანტში უსაფრთხოების სისტემის კუთხით მოსალოდნელ ცვლილებებთან დაკავშირებით დარგის ექსპერტებმა დღეს პრეზიდენტის სასახლეში უშიშროების საბჭოს მდივანთან შეხვედრა გამართეს.

„ეს რაღაცა სხვა შეიარაღებული ძალები ჯერჯერობით, ამ წუთისთვის მდგომარეობით ისევ წერია ტექსტში. დიდი ხანი ვიფიქრე ვის შეიძლება ეს აზრი მოსვლოდა და ერთადერთი გამახსენდა კობა ნარჩემაშვილი, შეიძლება თუ მხედრიონს არ ვიფიქრებთ, მაშინ შინაგანი ძალების აღდგენა უნდა იქნებ. არ ვიცი, ძალიან რთული შემთხვევაა. თავისთავად ასეთი აზრი, რომ გაუჩნდა ხელისუფლება, რომ რაღაც ტიპის თოფიანი კაცები შეიძლება ქვეყანაში გააჩინოს, ეს უკვე ძალიან სახიფათოა.“ - განაცხადა თინათინ ხიდაშელმა.