საკონსტიტუციო ცვლილებები - გუშინ საკითხთან მიმართებით ვრცელი განცხადება გააკეთა პრემიერ-მინისტყრმა, რასაც პრეზიდენტის საპარლამენტო მდივანი ანა დოლიძე ეხმაურება. დოლიძე მიიჩნევს, რომ რაც გუშინ საქართველოს მოქალაქეებმა ტელევიზიით ვნახეთ, არ იყო სასიამოვნო სცენა:

"ეს იყო საკონსტიტუციო ცვლილებებთან მარტო დარჩენილი ერთი პარტია. ყველა პარტია და არასამთავრობო ორგანიზაცია, რომლებიც ერთმანეთში ხშირად არ თანხმდებიან, ამ შემთხვევაში ერთიან პოზიციაზე იყვნენ და ამ ცვლილებებსაც ერთად გაემიჯნენ",-აღნიშნა ანა დილიძემ.

სპეციალურ ბრიფინგზე კვირიკაშვილმა თქვა, რომ 7 წლის წინ მიღებული კონსტიტუცია ბევრ ხარვეზს მოიცავდა.

„მსურს გამოვეხმაურო ქვეყანაში მიმდინარე პროცესს საქართველოს კონსტიტუციაში განსახორციელებელ ცვლილებეს და საზოგადოებას განვუმარტო ამ ცვილებების მიზანი და მნიშვნელობა. მინდა აღვნიშნო, რომ ჩვენი გუნდის მიერ ცვლილებების ინიცირება გარდაუვალი იყო ქვეყნის დემოკრატიული განვითრებისთვის. 2010 წელს განხორციელებული საკონსტიტუციო ცვლილებების შედეგად ქვეყანამ მიიღო კონსტიტუცია, სადაც დაუშვებელი ნორმები იყო შეტანილი. კონსტიტუციის დაბალანსება და სრულფასოვან საპარლამენტო მოდელზე გადასვლა იყო ჩვენი გუნდის მხრიდან ცვლილებების ინიცირების მიზანი. ამიტომ შეიქმნა საკონსტიტუციო კომისია, რომლის შემადგენლობაში შედიოდნენ პოლიტიკოსები, არასამთავრობო ორგანიზაციები და დამოუკიდებელი ექსპერტები. კომისიის ფარგლებში ნებისმიერ წევრს ჰქონდა საკუთარი არგუმენტების წარმოდგენის შესაძლებლობა და თითოეულ მათგანს შეეძლო მიეღო მონაწილეობა კონსტიტუციური ცვლილებების ფორმირების პროცესში", - განაცხადა პრემიერმა.