პარლამენტმა საკონსტიტუციო ცვლილებები დღეს პირველი მოსმენით მიიღო. აღნიშნულს „ევროპული საქართველოს“ რიგებში ეხმაურებიან. დღეს გამართულ ბრიფინგზე პარტიის გენერალურმა მდივანმა გიგი უგულავამ საკონსტიტუციო ცვლილებებთან დაკავშირებით ისაუბრა და განაცხადა, რომ ეს არის ერთპიროვნულად ბიძინა ივანიშვილის და "ქართული ოცნების" კონსტიტუცია.

“ქართული ოცნების" უმრავლესობამ დღეს პირველი მოსმენით დაამტკიცა პრაქტიკულად ახალი კონსტიტუცია. კონსტიტუცია, რომელიც საზოგადოების ზურგს უკან არ ეფუძნება საზოგადოების, არასამთავრობო ორგანიზაციების, პოლიტიკური პარტიების კონსენსუსს. ეს არის ერთპიროვნულად ბიძინა ივანიშვილის და "ქართული ოცნების" კონსტიტუცია. ამ კონსტიტუციით თქვენს წაგართვეს პრეზიდენტის არჩევის უფლება, წაგართვეს და გადაგვივადეს სამართლიანი საარჩევნო წესით საკუთარი პარლამენტის არჩევის უფლება. ეს კონსტიტუცია ითვალისწინებს პირდაპირ შეთქმულებას ქართველი გლეხის წინააღმდეგ. ეს კონსტიტუცია არ ემყარება საზოგადოებრივ კონსენსუსს. ჩვენ გადაუჭარბებლად შეგვიძლია ვთქვათ, დღეს ბიძინა ივანიშვილმა და "ქართულმა ოცნებამ" თითოეულ თქვენთაგანს თავზე გადაახია კონსტიტუცია. ამაზე პასუხი შეიძლება იყოს მხოლოდ ერთი, მშვიდად, მტკიცედ, მაგრამ გაბრაზებულებმა უნდა მივიდეთ არჩევნებზე და დავსაჯოთ "ქართული ოცნება,“ - განაცხადა გიგი უგალავამ.