საკონსტიტუციო ცვლილებები პარლამენტმა პირველი მოსმენით დღეს მიიღო. 115 ხმა არსერთის წინააღმდეგ, რიგგარეშე სხდომას საპარლამენტო ოპოზიცია არ ესწრებოდა.

დარბაზში 115 დეპუტატიდან 114 მმართველი გუნდის წარმომადგენელი იყო, ერთი კი დამოუკიდებელი დეპუტატი სალომე ზურაბიშვილი. კვორუმისთვის 113 ხმა იყო საჭირო.

„ეს არის მართლაც ისტორიული მომენტი, როდესაც ქვეყნის ძირითად კანონში შესატანი პრაქტიკულად სრულიად ახალი რედაქციის ცვლილებებ, საკონსტიტუციო უმრავლესობით, ჩვენმა უმრავლესობამ სრული მხარდაჭერა გამოუცხადა. ეს არის კონსტიტუცია, რომლითაც გვექნება ძლიერი საპარლამენტო მოდელი, იქნება მაკონტროლებელი ინსტიტუტი ხალხის წარმომადგენლობითი ორგანოს სახით, იქნება ეფექტური მთავრობა, დამოუკიდებელი სასამართლო და ზეპარტიული პრეზიდენტი, ახალი სტანდარტი ადამიანის უფლებების კუთხით და კონსტიტუცია, რომელიც დააზღვევს რისკებს, პოლიტიკურ კრიზისებს“, - განაცხადა ეკა ბესელიამ.