მიტოვებული გუდიაშვილის მოედანი - „2 წელია თბილისის განვითარების ფონდმა ვითომ რეკონსტრუქცია წამოიწყო“ (ფოტო)

პოლიტიკა - 16:21, 22 Jun, 2017

3940

გუდიაშვილის მოედანი და მიტოვებული სამშენებლო სამუშაოები, როგორ გამოიყურება მიმდებარე ტერიტორია - აღნიშნულის შესახებ სოციალური ქსელის მომხმარებელი ქეთი კაშია წერს და ფოტომასალასაც ურთავს:

„ძველი თბილისის ერთ-ერთი ყველაზე საინტერესო არქიტექტურული ანსამბლი, გუდიაშვილის მოედანი, ჩემი სახლის მახლობლადაა და ყოველ დღე ვხედავ , როგორ ნადგურდება და ინგრევა უნიკალური შენობები. 2 წელია თბილისის განვითარების ფონდმა ვითომ რეკონსტრუქცია წამოიწყო...2 წელი გავიდა და არც ერთი სახლის გამაგრება არ დაუწყიათ, ათასში ერთხელ გამოჩნდება 2-3 კაცი, ამოთხრის მიწას და გაქრება, ღიაა საკანალიზაციო ჭები ( ამას წინათ ერთი კაცი ჩავარდა), დაიბზარა ახოსპირელის დასაწყისში სრულიად საღი სახლის კედლები. რატომღაც წყლის ჟოლობები მოხსნეს ბიბლიოთეკის შენობას და ისე დატოვეს,თბილისური არქიტექტურის მარგალიტი, ე.წ. ლერმონტოვის სახლი, წლებია სახურავის გარეშეა... ეჭვის გარეშეა, რომ თბილისის განვითარების ფონდი სრულიად მიზანმიმართულად ანგრევს მოედანს. იმ ხელისუფლებამ ხომ დაიწყო და ამათ ბოლო მოუღეს, გული მოგიკვდებათ, ეს სახლები რომ განახათ ...

პოსტ სკრიპტუმს ველოდებით ხვალ 11.30-ზე და ვისაც გინდათ, მოდით გუდიაშვილის სკვერში“, - წერს ქეთი კაშია.