„საზოგადოებრივ მაუწყებელთან“ დაკავშირებით საქართველოს დევნილთა და განსახლების მინისტრი სოზარ სუბარი კომენტარს აკეთებს, მისი განცხადებით მაუწყებელი თავისუფალია და კანონმდებლობის შეცვლა დირექტორატსა და სამეურვეო საბჭოს შორის მოვალეობების გამიჯვნის მიზნით მიმდინარეობს.

,,თავს შევიკავებ მაუწყებელში მიმდინარე პროცესების კომენტირებისგან, თუმცა საზოგადოებრივი მაუწყებელი არის თავისუფალი და იქ პროცესები მიმდინარეობს. კანონმდებლობას რაც შეეხება, პარლამენტში გაცილებით ადრე იყო კანონპროექტი წარდგენილი, რაც ბორდის შესუსტებას კი არ გულისხმობს, არამედ ბორდისა და დირექტორატის ძალაუფლების გამიჯვნას, რომ ისინი ერთმანეთისგან მკაფიოდ იყოს გამიჯნული“, - აღნიშნა მინისტრმა.