საზოგადოებრივ მაუწყებელთან დაკავშირებით მომზადებული საკანონმდებლო ცვლილებები - საქართველოს უმაღლესი საკანონმდებლო ორგანოს იურიდიულ საკითხთა კომიტეტის თავმჯდომარის განცხადებით, ცვლილებები დღეს დარეგისტრირდა.

ეკა ბესელიამ ჟურნალისტებთან საუბრისას აღნიშნა, რომ საკანონმდებლო ცვლილებებზე საუმშაო ჯგუფი ექვსი თვე მუშაობდა:

„მოსაზრება რამდენიმე მუხლთან დაკავშირებით იმ ჯგუფისგან მივიღეთ, რომელიც სამუშაო პროცესში ჩართული არ იყო, მაგრამ ამ მოსაზრებებს ვეცნობით. ინიცირება იმას ნიშნავს, რომ განხილვის პროცესი გაგრძელდება. ეს ჯგუფი ექვსი თვე სხვადასხვა ფორმატში მუშაობდა და ევროპულ მაუწყებელთა კავშირის დადებითი დასკვნა გვაქვს, რაც მნიშვნელოვანია. მათ შორის, რეკლამასთან დაკავშირებით. რაც კანონში წერია, ეს სწორი და სამართლიანი არ არის და მაუწყებლისთვის საქმიანობაში ხელის შემშლელია. ამაზე გველაპარაკებოდა ევროპის მაუწყებელთა კავშირი, როცა დასკვნაში დაწერა, რომ რასაც ვაპირებთ, ევროპულ სტანდარტებს შეესაბამება. იმედი მაქვს, რომ შენიშვნები პერსონალური ინტერესებიდან გამომდინარე არ იქნება“,- განაცხადა ბესელიამ.