საქართველოს უმაღლესი საკანონმდებლო ორგანოს თავმჯდომარემ ირაკლი კობახიძემ დღეს პრეზიდენტის მისამართით პარლამენტის ტრიბუნიდან განცხადებები გააკეთა, რასაც პრეზიდენტის ადმინისტრაციის უფროსი გიორგი აბაშიშვილი გამოეხმაურა. აბაშიშვილის თქმით ე.წ. სკანდალური შეურაცხყოფებიც ვერ გადაფარავს იმ პოლიტიკურ რეალობას, რომელშიც ქვეყანა იმყოფება:

„ე.წ. სკანდალური შეურაცხყოფებიც კი, ვერ გადაფარავს იმ პოლიტიკურ რეალობას, რომელშიც ჩვენ ვიმყოფებით, როცა ამ პროცესით ხდება უმნიშვნელოვანესი, სახელმწიფო ინსტიტუტების ნგრევა და სერიოზული ზიანი ადგება ქვეყნის იმიჯს. ვიცით, რომ პარლამენტის თავმჯდომარის შეურაცხმყოფელი განცხადებები წესით გაღიზიანებას უნდა იწვევდეს, მაგრამ ამ განცხადებებით უბრალოდ ვერ ვღიზიანდებით - არც პრეზიდენტს და არც პრეზიდენტის გუნდის წევრებს მსგავსი ტიპის განცხადებები არასოდეს ჩაუთვლიათ გაღიზიანებად“, - განაცხადა გიორგი აბაშიშვილმა.