გასაიდუმლოებული შეხვედრა შუშის სასახლეში - „იბერიას“ სკანდალური ინტერვიუ

პოლიტიკა - 17:23, 21 Jun, 2017

8741

გასაიდუმლოებული შეხვედრა შუშის სასახლეში, მუქარა და კულუარული ომი ბიზნესისთვის, - ამის შესახებ იქნება საუბარი გადაცემაში „ინტერვიუ ვანიჩკასთან,“ რომელიც დღეს, ოთხშაბათს, ტელეკომპანია „იბერიას“ ეთერში, ტრადიციულად, 21:300 საათზე გავა.

მართალია, რესპონდენტის ვინაობა არც ამჯერად კონკრეტდება, მაგრამ როგორც გადაცემის ავტორი და პროდიუსერი ვანო პავლიაშვილი ამბობს, საზოგადოებისთვის ცნობილი ქალბატონი პირადი ცხოვრების დეტალებს მოყვება.

„ესაა სიმართლე, რომელიც არასოდეს თქმულა,“ - აცხადებს პავლიაშვილი და დასძენს, რომ მაყურებელი დღევანდელი გადაცემიდან შეიტყობს, თუ რა გზა გაიარა ერთ-ერთმა ცნობილმა ადამიანმა ობლობიდან წარმატებამდე.

შეგახსენებთ: დაუმონტაჟებელი ინტერვიუების ციკლი - „ინტერვიუ ვანიჩკასთან“ ტელეკომპანია „იბერიას“ ახალი პროექტია, რომელიც ეთერში ყოველ ოთხშაბათს, 21:30 საათზე გადის. ამ ეტაპზე გადაცემის სტუმრები იყვნენ: საინფორმაციო-სადაზვერვო სამსახურის ყოფილი უფროსი ირაკლი ბათიაშვილი; ფრაქცია „საქართველოს პატრიოტების“ თავმჯდომარე გიორგი ლომია, საქართველოს პირველი პრეზიდენტის, ზვიად გამსახურდიას უფროსი ვაჟი კონსტანტინე გამსახურდია და შს ყოფილი მინისტრი, ამჟამად დეპუტატი კობა ნარჩემაშვილი.