პარლამენტი იუსტიციის უმაღლესი საბჭოს წევრებს ირჩევს - ვის უჭერს მხარს საპარლამენტო უმცირესობა

პოლიტიკა - 15:49, 21 Jun, 2017

1190

საკანონმდებლო ორგანომ მიმდინარე სასესიო კვირას იუსტიციის საბჭოს 4 წევრი უნდა აირჩიოს. ფრაქცია „ქართული ოცნების“ თავმჯდომარის , მამუკა მდინარაძის თქმით იუსტიციის უმაღლესი საბჭოს წევრების შერჩევა პოლიტიკური ნიშნით არ მოხდება:

"ჯერ ვნახოთ, ვის აირჩევს საქართველოს პარლამენტი და დამერწმუნეთ, რომ ამის შემდეგ ოპონენტები ვერც ერთ არგუმენტაციას ვეღარ განავრცობენ. პოლიტიკური ნიშნით არავინ იქნება შერჩეული. ასეთი გადაწყვეტილებები წარსულ ჩაბარდა. ჩვენ შეთანხმებას მივაღწიეთ, რამდენიმე დეტალი დარჩა და სესიის განმავლობაში დეპუტატები მიიღებენ გადაწყვეტილებას." - განაცხადა მამუკა მდინარაძემ.

საპარლამენტო უმცირესობის წევრის ოთო კახიძის თქმით წარმოდგენილ კანდიდატთა უმრავლესობას არ წარმოუდგენია ხედვა, თუ როგორ უნდა იქნას დაძლეულლი სასამართლო სისტემაში არსებული პრობლემები.

კახიძის თქმით ევროპული საქართველო მხარს ნაზი ჯანეზაშვილს უჭერს, რომელიც მათი შეფასებით სამართლის დარგის აღიარებული სპეციალისტია:

„აბსოლუტურ უმრავლესობას არავითარი ხედვა არ წარმოუდგენია თუ რა პრობლომები არის მართლმსაჯულების სისტემაში, როგორ უნდა დავძლიოთ გამოწვევები რომელიც გვაქვს, სასაამართლოს დამოუკიდებლობა, სასამართლოს მიმართ უნდობლობა.

საპარლამენტო უმცირესობა „ევროპული საქართველო“ შეჯერდა მხარი დაუჭიროს ქალბატონ ნაზი ჯანეზაშვილს რომელიც არის სამოქალაქო სექტორიდან არის სამართლის დარგის აღიარებული სპეციალისტი და მან წარმოადგინა საკუთარი ხედვა როგორ უნდა გაუმჯობესდეს გარკვეულ წილად იუსტიციის უმაღლესი საბჭოს საქმიანობა. თუმცა ერთი ადამიანი ამისთვის საკმარისი არ იქნება.“- განაცხადა ოთო კახიძემ.