დაპირისპირება და თვითმკვლელობის მუქარა - ბერი ნიკოლოზის მრევლი სახლის მეპატრონეს დაუპირისპირდა

შემთხვევა - 09:50, 21 Jun, 2017

13243

გვიან ღამით, თბილისში გამრეკელის ქუჩაზე პოლიციის რასმდენიმე ეკიპაჟი იყო მობილიზებული, მიზეზი ე.წ სასულიერო პირის მრევლსა და სახლის მეპატრონეს შორის დაწყებული დაპირისპირება გახდა. გავრელებული ინფორმაციით, ნიკოლოზ მაქარაშვილს გამრეკელის ქუჩაზე დროებით საცხოვრებელ ბინაში მეპატრონის მოთხოვნის საფუძველზე არ უშვებდნენ, მრევლი სახლში შესვლას ძალის გამოყენებით ცდილობდა.

საბოლოოდ სიტუაცია გამთენიისას განიმუხტა, ადგილზე მისული იიყო ქართული ოცნების წევრი ლევან გოგიჩაიშვილი, მან და მრევლის რამდენიმე წარმომადგენელმა სახლის მეპატრონესთან მოლაპარაკება აწარმოა, რის შემდეგაც ხელაძეების ოჯახი ნიკოლოზ მაქარაშვილის სახლში შეშვებას დათანხმდა.

გავრცელებული ინფორმაციით, ხელაძეების ოჯახის მხრიდან ნიკოლოზ მაქარაშვილის სახლიდან გასახლების მიზეზი ე.წ სასულიერო პირის მხრიდან წამოსული მუქარა და სიტყვიერი შეურაცხყოფა გახდა. აღსანიშნავია ისიც, რომ მრევლის ერთ-ერთი წევრი სახლის სახურავზე ავიდა და იმ შემთხვევაში თუ მაქარაშვილს სახლში არ შეუშვებდნენ, თვითმკვლელობით იმუქრებოდა.

საპატრიარქოს განცხადებით, ბერ ნიკოლოზს თითქმის 20 წელია, ჯანმრთელობასთან დაკავშირებული გარკვეული მიზეზების გამო შეჩერებული აქვს მღვდელმსახურება.