პედაგოგი სოფლის გამგებელს ცემაში ადანაშაულებს

შემთხვევა - 17:19, 20 Jun, 2017

3162

ოზურგეთის მუნიციპალიტეტის სოფელ ბახვში მცხოვრები პედაგოგი ავთანდილ გოგნაძე აცხადებს, რომ, ის, მისი სოფლის გამგებელმა, გოჩა შარაშენიძემ სცემა.

პედაგოგის თქმით, მას რამდენჯერმე დაარტყეს, ხელისუფლების წარმომადგენლებმა, შემდეგ კი დასცინეს.

გოგსაძის სიტყვებით, კონფლიქტი მას შემდეგ მოხდა, როცა მან, მისი საცხოვრებელი სახლის ეზოს გასწვრივ მშენებარე გზის დასრულების შემდეგ, სანიაღვრე არხის მშენებლობის დასრულების ადგილი გააპროტესტა.

გოგსაძე მიიჩნევს, რომ ამ შემთხვევაში მთელი წყლის მარაგი, რაც ამ სანიაღვრე არხში მოხდებოდა, მის საცხოვრებელ ეზოში ჩავა და მწყობრიდან, როგორც მიწას, ასევე ნარგავებს გამოიყვანს.

პედაგოგმა ხელისუფლებას შესთავაზა არხის მშენებლობის რამდენიმე მეტრით იქეთ დასრულება, თუმცა ამაზე ხელისუფლება არ დათანხმდა.

სოფლის გამგებელი, გოჩა შარაშენიძე ცემას კატეგორიულად გამორიცხავს, აცხადებს, რომ ავთანდილ გოგსაძე რთული, კონფლიქტური პიროვნებაა, მან შეცდომაში შეიყვანა მშენებლები, რის გამოც ჭიანურდება სოფლისთვის მნიშვნელოვანი პროექტის დასრულება. სიტყვიერი შელაპარაკების დროს კი აუგად მოიხსენია არჩეული თანამდებობის პირები, ჩაეჭიდა მას მხარში და "იძულებული გავდხი მისთვის ხელი მეკრა, ეს იყო და ეს"-ამბობს გამგებელი.

მომხდართან დაკავშირებით აღძრულია სისხლის სამართლის საქმე 126 მუხლის პირველი ნაწილით, რაც ცემას ან ძალადობას გულისხმობს.