"თქვენი მოქალაქე 2017 წლის 13 ან 14 მაისს დაიღუპა"- რას აცხადებს კონგოელი აჯანყებულების ლიდერი

პოლიტიკა - 14:50, 19 Jun, 2017

11597

კონგოში არსებული დაჯგუფების „23 მარტის“ პოლიტიკური ლიდერის ბერტრან ბისიმვას თქმით სოსო ოსორაული 2017 წლის 13 ან 14 მაისს დაიღუპა. ამის შესახებ მან გადაცემა „იმედის კვირას“ განუცხადა.

"ჩვენ არ ვართ ტერორისტები და თქვენი მოქალაქე არ იყო ჩვენი მძევალი, ის ომის პატიმარი იყო. ჩვენ რევოლუციური ორგანიზაცია გვაქვს. ყოვლად მიუღებელია რევოლუციურმა ორგანიზაციამ მოქალაქის გასათავისუფლებლად ფული მოითხოვოს. ჩვენ არ ვართ კრიმინალური დაჯგუფება, რომელიც ფულს ითხოვს მოქალაქის გასათავისუფლებლად. მოლაპარაკებებში თქვენი მთავრობის წარმომადგენლებთან ხაზგასმით განვმარტეთ, რომ ჩვენ ფულს არ ვითხოვდით. ერთადერთი, რასაც ვითხოვდით თქვენი ხელისუფლებისგან, იყო ის, რომ მას შემდეგ რაც წაიყვანდნენ თქვენს მოქალაქეს, არ მიეცათ მისთვის კონგოში კონგოელი მოქალაქეების წინააღმდეგ საბრძოლველად ჩამოსვლის უფლება. თქვენი მოქალაქე 2017 წლის 13 ან 14 მაისს დაიღუპა. კონგოს სამთავრობო ჯარი თავს მოულოდნელად დაგვესხა. ჩვენ თქვენი მოქალაქის ევაკუაციისთვის ვემზადებოდით, საქართველოს საგარეო საქმეთა სამინისტროს დელეგაციისთვის უნდა გადაგვეცა. ამ დროს კონგოს ხელისუფლებამ განახორციელა ეს ოპერაცია, რა დროსაც თქვენი მოქალაქე დაიღუპა. ამ შეტაკებისას ჩვენი 6 მებრძოლიც დაიღუპა, რომლებიც თქვენი მოქალაქის უსაფრთხოებას იცავდნენ." - აცხადებს ბისიმვა.