"საჭიროა ცვლილებები პოლიტიკური პლურალიზმის უზრუნველსაყოფად"

"საჭიროა ცვლილებები პოლიტიკური პლურალიზმის უზრუნველსაყოფად" - ვენეციის კომისია

პოლიტიკა - 11:59, 17 Jun, 2017

1513

ვენეციის კომისია პლენარული სესიის შემდეგ პირველ განცხადებას აქვეყნებს.

"კონსტიტუციის გადასინჯვა მართებულ გზაზეა, თუმცა საჭიროა ცვლილებები პოლიტიკური პლურალიზმის უზრუნველსაყოფად," - წერია განცხადებაში.

ევროპელი ექსპერტები აქცენტს საარჩევნო სისტემის ცვლილებებზე ამახვილებენ, მათი შეფასებით, პარლამენტის ყველა წევრის სრულად პროპორციული სისტემით არჩევა მისასალმებელი ცვლილებაა, თუმცა ამ ეტაპზე ნაწილობრივ შეზღუდულია სამი მექანიზმით - 5%-იანი ბარიერის წესი საპარლამენტო არჩევნებზე, 5%-იანი ბარიერის ქვემოთ გაუნაწილებელი ხმების გამარჯვებულ პარტიაზე გადანაწილება და საარჩევნო ბლოკების გაუქმება.

"მიუხედავად იმისა, რომ 5%-იანი ბარიერი შეესაბამება ევროპულ სტანდარტებს, ერთად აღებული, ეს ამცირებს პატარა პარტიების პარლამენტში მოხვედრის შესაძლებლობას. სესიაზე ვენეციის კომისია ინფორმირებული იყო, რომ საქართველოს პარლამენტი განიხილავს გაუნაწილებელი ხმების მექანიზმის შეცვლას და რომ ვენეციის კომისიის სხვა რეკომენდაციები გათვალისწინებული იქნება,“ - ნათქვამია ვენეციის კომისიის განცხადებაში.