პარლამენტის არჩევის წესი და ბონუსების სისტემა - რას სთავაზობს ხელისუფლება ვენეციის კომისიას

პოლიტიკა - 12:14, 16 Jun, 2017

1641

ვენეციის კომისიას საქართველოს ხელისუფლება საარჩევნო სისტემის ახლებურ ვარიანტს სთავაზობს.

საუბარია საუბარია საკონსტიტუციო ცვლილებების 37-ე მუხლზე რომელიც საკონსტიტუციო ცვლილებების პროქტში პარლამენტის არჩევნების წესს განსაზღვრავს.

შეთავაზების მიხედვით, დაწესდება გადაუნაწილებელი მანდატების ზედა ზღვარი, აგრეთვე, საუბარია არჩევნების პროპორციულ სისტემაზე გადასვლის წესს.

ევროპელი ექსპერტების მთავარი რეკომენდაცია გადაუნაწილებელ მანდატებს შეეხებოდა. ვენეციის კომისია საქართველოს ე.წ ბონუს სისტემის ზედა ზღვარის დაწესებას ურჩევდა. ხელისუფლების მხრიდან სამ დონიანი ზღვარი განისაზღვრა. ზედა, რომლის დროსაც, პარტია გადაუნაწილებელი მანდატების ხარჯზე 89 მანდატზე მეტს ვეღარ მიიღებს; ქვედა - როდესაც ბონუსის გათვალსწინებით პირველ ადგილზე გასული პარტია, 75 ან ნაკლებ მანდატს მიიღებს, მაშინ ბონუსი აზრს კარგავსს და გადაუნაწილებელი მანდატები პროპორციულად ბარიერ გადალახულ ყველა პარტიაზე გადანაწილდება. იარსებებს ასევე ფარდობითი ზღვარი, რომლის მიხედვით გამარჯვებული პარტიის მიერ მიღებული გაუნაწილებელი მანდატების რაოდენობა არ უნდა აღემატებოდეს მის მიერ მიღებული ძირითადი მანდატების 35%-ს (მაგალითად, თუ პარტია მიიღებს ხმების 40%-ს, ის ბონუსის ხარჯზე ვერ მიიღებს მანდატების 54%-ზე მეტს).

ამ მოდელის მიხედვით, პირველ ადგილზე გასული პარტია, ბონუსით, როგორც წესი, მხოლოდ იმ შემთხვევაში ისარგებლებს, თუ ის არჩევნებში ამომჩეველთა ხმების 38-დან 44%-მდე მიიღებს.