აზერბაიჯანელი ჟურნალისტის საქმე - ევროპარლამენტმა აღნიშნულ საკითხზე მომზადებულ რეზოლუციის პროექტს კენჭი უყარა. კენჭისყრამდე მუხთარლის საქმესთან მიმართებით დებატები გაიმართა. ევროპარლამენტარმა რებეკა ჰერმსმა განაცხადა, რომ სამართლიანობის ნაკლებობა არსებობს როგორც აზერბაიჯანში, ასევე საქართველოშიც:

„ვფიქრობთ, რომ სამართლიანობის ნაკლებობა არსებობს არა მხოლოდ აზერბაიჯანში, არამედ აღწევს საქართველოსაც. ჩვენთვის მნიშვნელოვანია, რომ ჩატარდეს მიუკერძოებელი გამოძიება საქართველოშიც და აზერბაიჯანშიც. ჩვენი რეზოლუციით შეგვიძლია დავეხმაროთ აფგან მუხთარლის და იმედი გვაქვს, რომ ამ თემას ხვალ კომისარი წამოჭრის ბაქოში ვიზიტისას. ჩვენი რეზოლუცია მოუწოდებს აზერბაიჯანს აფგან მუხთარლის დაუყოვნებლივ გათავისუფლებისკენ. ასევე სხვა აქტივისტებისა და ჟურნალისტების გათავისუფლებისკენაც, რომლებიც უსამართლოდ არიან დაპატიმრებულნი“, - აღნიშნა ევროპარლამენტარმა რებეკა ჰერმსმა.