რომელია საქართველოს მეგობარი ქვეყანა?

რომელია საქართველოს მეგობარი ქვეყანა? - IPM-ის კვლევის შედეგები

პოლიტიკა - 12:46, 15 Jun, 2017

6400

საქართველოში, სომხეთში, აზერბაიჯანში, რუსეთსა და უკრაინაში განხორციელებული კვლევის თანახმად, მოსახლეობამ შეაფასა თუ რომელი ქვეყნებია მეგობრულად განწყობილი მათი ქვეყნების მიმართ. თითოეულ ქვეყანაში, კვლევაში მონაწილეობა მიიღო 1200-მა რესპონდენტმა. როგორც აღმოჩნდა, საქართველოში ქვეყნის ყველაზე დიდ მეგობრად უკრაინას მიიჩნევენ (53%), შემდგომ აზერბაიჯანს (38%) და აშშ-ს (33%).

სომხეთის შემთხვევაში მდგომარეობა შემდეგია: გამოკითხულთა უმრავლესობა - 69% ფიქრობს, რომ მათი ქვეყნის მეგობარი რუსეთია. მნიშვნელოვნად ნაკლები რაოდენობა - 28% კი მიიჩნევს, რომ მათი ქვეყნის მიმართ მეგობრულად განწყობილი ქვეყანა საფრანგეთია.

აზერბაიჯანში, კითხვაზე, თუ რომელი ქვეყნებია მეგობრულად განწყობილი აზერბაიჯანის მიმართ, გამოკითხულთა 66%-მა თურქეთი დაასახელა, 30%-მა საქართველო, ხოლო თანაბარმა ნაწილმა - 21-21%-მა რუსეთი და უკრაინა.

უკრაინის მოსახლეობა მიიჩნევს, რომ მათ ქვეყანას რთულ სიტუაციებში ყველაზე მეტად ბელარუსის (37%) იმედი შეიძლება ჰქონდეს. გამოკითხულთა თითქმის იგივე რაოდენობას - 36-36%-ს მიაჩნია საქართველო და გერმანია უკრაინის მეგობარ ქვეყნებად, 34% კი ასეთ ქვეყნად ამერიკის შეერთებულ შტატებს მიიჩნევს.

რაც შეეხება რუსეთს, მოსახლეობის უმეტესი ნაწილი (65%) ბელარუსს მიიჩნევს რუსეთის მეგობარ ქვეყნად, შემდგომ ყაზახეთსა (51%) და ჩინეთს (41%), გამოკითხულთა 35%-ის აზრით კი რუსეთის მიმართ მეგობრულად განწყობილი ქვეყანა სომხეთია