„ბირჟა მაფიას“ წევრის გიორგი ქებურიას თქმით იმის შესახებ, რომ მათმა ვიდეოკლიპმა პოლიციელების გაღიზიანება გამოიწვია, მან მიხეილ მგალობლიშვილისგან გაიგო. ამის შესახებ კი მიმოწერა ქონდა მეგობართან, რეპერ მასტერთან:

„მე მქონდა ის ინფორმაცია, რაც მგალობლიშვილს უთხრა აჭარანეთმა და მგალობლიშვილმა გადმომცა მე, რომ პოლიცია გაღიზიანდა. ამაზე მეტი ინფორმაცია მე არ მქონია. შემდეგ ჩემი დასკვნები მიმოწერაში ვთქვი. მე მაქვს ინფორმაცია, რომ აჭარანეთში დარეკეს და გამოხატეს გაღიზიანება, რა მოთხოვნები ქონდათ არ უთქვამს.“- განაცხადა ქებურიამ „რუსთავი2“-თან საუბარში.

რეპერის თქმით, ვიდეოში პოლიციელის გამმოსახულების გადაფარვა, მან და მიხეილ მგალობლიშვილმა იუთუბის საშუალებით განახორციელეს:

„კლიპში გერბი დაფარა აჭარანეთმა, ანუ მონტაჟის დროს დაიბლარა. ხოლო მთლიანი კადრი სადაც არ გაირჩევა რა ხდება, მე და მგალობლიშვილმა იუთუბის საშუალებით დავბლარეთ . არ გვინდოდა სიტუაციის გამწვავება, რადგან უკვე ვიღაცის მცირე გაღიზიანებაც გამოიწვია, მაქსიმალურად თავი დავიზღვიეთ.“- აღნიშნა ქებურიამ.

როგორც გიორგი ქებურია აცხადებს, მას ჯერ კიდევ ბრალდებულის სტატუსი აქვს და მისი მთავარი მოთხოვნა, სწორედ მისი უდანაშაულობის დამტკიცებაა, მიი თქმით იმ პირებმა ვინც საქმე „შეკერეს“ პასუხი უნდა აგონ:

„კონკრეტული მოთხოვნა არის ის რომ მე ჯერ ისევ ბრალდებული ვარ, ეს სტატუსი არ მომხსნია. პირველ რიგში უნდა დამტკიცდეს ჩვენი უდანაშაულობა, შემდეგ კი გამოძიება უნდა მივიდეს ბოლომდე იმ პირებთან დაკავშირებით, ვინც უფლებამოსილებას გადააჭარბა. ჩვენ კანონსაწინააღმდეგო არაფერი არ გვქონია და იმ პირებმა რომლებმაც ამ საქმის „შეკერვა“ მოახდინეს, პასუხი უნდა აგონ.“ - განაცხადა ქებურიამ.

ქებურიას თქმით მისი დაკავების დროს მას შეხება 7-8 ადამიანთან ქონდა, მან კიდევ ერთხელ აღნიშნა, რომ ფიზიკურად მისთვის ნარკოტიკი არ ჩაუდიათ და ნარკოტიკის აღმოჩენა მხოლოდ საბუთებით გააფორმეს:

„პირადად მე ვნახე 7-8 სხვადასხვა ადამიანი, მაგრამ არ ვიცი რეალურად ამ საქმის უკან რამდენი ხალხი დგას. ფიზიკურად ჩემს ჯიბეში ნარკოტიკულის საშუალება არავის არ ჩაუდია, საბუთებში მოხდა ამის გაფორმება, ჩემგან განსხვავებით მგალობლიშვილს ჯიბეში ჩაუდეს.“- განაცხადა ქებურიამ.