უმაღლესი საკანონმდებლო ორგანოს დეპუტატებმა დღეს ერთთვიანი მორატორიუმის გამოცხადების საკითხი უნდა განიხილონ. მორატორიუმის მიხედვით, საკონსტიტუციო ცვლილებების მიღებამდე არ გადაწყდება აიკრძალება თუ არა მიწების გასხვისება.

„მიუხედავად იმისა, რომ დღევანდელ დღემდე მოქმედებს მიწების თავისუფალი ყიდვა-გაყიდვა, ჩვენ მნიშვნელოვანი ინიციატივები ინვესტიციების თვალსაზრისით არც გაგვიგია და ინვესტიციები არ ყოფილა იმ ოდენობის, რომ ეს იყოს ანგარიშგასაწევი. ადგილობრივი ინვესტიციები გაცილებით უფრო დიდია,“- განაცხადა პარლამენტის აგრარულ საკითხთა კომიტეტის თავმჯდომარემ, ოთარ დანელიამ.

მიწების უცხოელებზე გასხვისების აკრძალვას არ ეთანხმება პარლამენტის დიასპორისა და კავკასიის საკითხთა კომიტეტის თავმჯდომარის პირველი მოადგილე სალომე ზურაბიშვილი.

ნაციონალურ მოძრობაში აცხადებენ, რომ მორატორიუმის გამოცხადება და ზოგადად, მიწების უცხოელებზე გასხვისების აკრძალვა, არის პოლიტიკური სპეკულაცია.

„მათ უნდათ შექმნან ბოროტი ხატი ადამიანებისა, რომელსაც თურმე მიწა არ უყვართ, ან ვიღაცეებისა, ევროპა, ამერიკა თუ დასავლეთი, რომელიც ჩევნი მიწის ჩასაგდებად არის მომართული. ეს ყველაფერი არის პოლიტიკური სპეკულაცია,“ - განაცხადა რომან გოცირიძემ.