"ხელისუფლებამ საერთაშორისო რეაქცია გაამწვავა, ორგანიზაციები უკვე ერთობლივად გამოხატავენ აღშფოთებას"- სამადაშვილი მუხთარლის საქმეზე

პოლიტიკა - 12:15, 14 Jun, 2017

1215

აზერბაიჯანელი ჟურნალისტის აფგან მუხთარლის საქმეზე "ერთიანი ნაციონალური მოძრაობის“ თავმჯდომარის მოადგილე სალომე სამადაშვილი ხელისუფლებას უმოქმედობაში ადანაშაულებს. სამადაშვილის თქმით, მიუხედავად იმისა, რომ საკმაოდ მაღალი რეპუტაციის საერთაშორისო ორგანიზაციები ღიად გამოხატავენ აღშფოთებას ჟურნალისტის გატაცების ამ დრომდე ბუნდოვან საქმეზე, საქართველოს ხელისუფლება კვლავ დუმს, ხოლო პასუხისმგებელი პირები ამ დრომდე არავის დაუსჯია.
„სამი კვირა გავიდა აზერბაიჯანელი ჟურნალისტის გატაცებიდან, საქართველოს ხელისუფლებას არანაირი ქმედითი ღონისძიება არ განუხორციებია, არ დაუსჯია არცერთი პირი, რომელიც პასუხისმგებელი უნდა ყოფილიყო და რა თქმა უნდა, გაამწვავა საერთაშორისო რეაქცია ჩვენ ვხედავთ, რომ ყველა მაღალი რეპუტაციის საერთაშორისო ორგანიზაცია ერთობლივად მიმართავს და გამოხატავს საკუთარ აღშფოთებას“- განაცხადა სამადაშვილმა.

შეგახსენებთ, რომ 24 საერთაშორისო არასამთავრობო ორგანიზაცია აზერბაიჯანელი ჟურნალისტის აფგან მუხთარლის გატაცების საქმეზე განმარტებებს საქართველოს პრემიერმინისტრ გიორგი კვირიკაშვილისგან ითხოვს. საერთაშორისე NGO-ები მოუწოდებენ ქართულ მხარეს გატაცების საქმეზე გამჭვრივალე გამოძიება ჩატარდეს და კითხვებს მკაფიო პასუხიები გაეცეს. შესაბამისი წერილი ბრიუსელიდან საქართველოს მთავრობის ადმინისტრაციამ 7 ივნისს მიიღო.