საქართველოს საელჩოში არ აქვთ ინფორმაცია არიან თუ არა დაშავებულები ლონდონში საცხოვრებელი სახლისთვის გაჩენილი ხანძრის შედეგად. დიდ ბრიტანეთში საქართველოს საელჩოში მსგავსი შინაარსის შეტყობინება არ მიუღიათ.

„როდესაც ვიღაცას ვეძებთ ან ცუდი ამბავი არის, გვატყობინებენ ოჯახის წევრები, მეგობრები, ნათესავები, რომ ჩვენ სასწრაფოდ ადგილობრივ პოლიციას დავუკავშირდეთ. ამ წუთში ასეთი ზარი არ გვქონია“, - აცხადებს საქართველოს კონსული დიდ ბრიტანეთში მარიამ წერეთელი.

ლონდონში დამწვარი შენობიდან მაშველები ადამიანების გამოყვანას ამდრომდე ცდილობენ. 27 სართულიან საცხოვრებელ სახლს ცეცხლი გამთენიისას გაუჩნდა. ადგილზე 200-ზე მეტი მეხანძრე და 40-მდე სახანძრო მანქანაა მობილიზებული. ადგილობრივი მედია 30 დაშავებულის შესახებ იუწყება.