რას ამბობს ზურაბ წერეთლის თანაშემწე „სვეტის“ დირექტორის გატაცებასთან ცნობილი მოქანდაკის კავშირზე

პოლიტიკა - 14:44, 13 Jun, 2017

3459

მოქანდაკე ზურაბ წერეთლის თანაშემწე სერგი შაგულაშვილი სამშენებლო კომპანია „სვეტის“ დირექტორის გივი ჯიბლაძის გატაცებასთან წერეთლის კავშირს უარყოფს.

„არავითარი პრობლემა, არავითარ სამშეებლო კომპანიასთან ბატონ ზურაბს არ აქვს. პირველად მესმის რაზეც საუბრობენ. წერეთელი ბაკურიანში მიწას არ ფლობს“- აცხადებს შაგულაშვილი.

სამშენებლო კომპანია „სვეტის“ დირექტორი გივი ჯიბლაძე თავის გატაცებას ზურაბ წერეთლის კომპანია „მშენებელი სამის“ ინტერესებს უკავშირებს.

კომპანია მშენებელ 3-ის 100%-იანი წილის მფლობელი არის ზურა წერეთლის შვილიშვილი, ვასილ წერეთელი, ხოლო დირექტორი - მანანა კირჩხელი და ლევან ჩქარეული.

"ნიუპოსტი" კირჩხელის კომენტარით დაინტერესდა, თუმცა კომანიაში ბიზნესმენ გივი ჯიბლაძის განცხადებაზე კომენტარს არ აკეთბენ.

გივი ჯიბლაძის თქმით, მას საცხოვრებელ სახლთან 4 ნიღბიანი მამაკაცი დახვდა, რომლებიც მიკროავტობუსით გადაადგილდებოდნენ, ბიზნესმენი ამბობს, რომ თავზე ტომარა ჩამოაცვეს და ერთ-ერთ ავტოსადგომზე გადაიყვანეს. გამტაცებლები ჯიბლაძესგან იარაღის მუქარით, 150 ათას დოლარს გადაცემას და 200 კვ.მ ფართის მათზე გადაფორმებას ითხოვდნენ.

გატაცებული აცხადებს, რომ დაპირისპირება მოქანდაკე ზურაბ წერეთლის კომპანიის წარმომადგენლებთან ჰქონდა, ამიტომ ის ვარაუდობს, რომ სწორედ ამ კომპანიასთან დაკავშირებულმა პირებმა გაიტაცეს.