დაბ-ტექნო დუეტის Monolake-ის წევრი რობერტ ჰენკე თბილისში ახალ პროექტს წარადგენს.

პოლიტიკა - 14:30, 13 Jun, 2017

1032

რობერტ ჰენკე — გერმანელი აუდიო/ვიზუალური არტისტი, დაბ-ტექნო დუეტის — Monolake-ის წევრი და ბერლინისა და სტენფორდის უნივერსიტეტების ლექტორია, სადაც იგი კომპიუტერულ მუსიკას და მასთან დაკავშირებულ დისციპლინებს ასწავლის. ამავე დროს, ჰენკე კომპანია Ableton-ის დამაარსებელი და მთავარი ინჟინერია. კომპანიის მიერ წარმოებული კომპიუტერული პლატფორმა თანამედროვე პროდიუსერების/DJ-ებისთვის ყველაზე პოპულარული პროგრამაა მუსიკის შესაქმნელად.

რობერტ ჰენკე ქართველი მაყურებლის წინაშე მისი ყველაზე ცნობილი და წარმატებული პროექტით, Lumière III-ით წარდგება.

ლონდონის Barbican Hall-ის და ბრიუგეს Concertgebouw-ის შემდეგ, თბილისის დიდი საკონცერტო დარბაზი მესამე ადგილი იქნება სადაც Lumière III შესრულდება.

პრემიერა 2017 წელს შედგა და ის გრძელვადიანი საკონცერტო პროექტის მესამე ნაწილია. Lumière III ძლიერი, ეფექტური, მინიმალისტური, ნათელი, ხმაურიანი და პოეტური აუდიოვიზუალური ნამუშევარია, სადაც მრავალმხრივი ხმა და მაღალი სიზუსტის ლაზერული განათება ერთიანდება. ექვს წელიწადზე მეტი ხნის განმავლობაში ამ მედიუმის უნიკალური თავისებურებების სიღრმისეული ძიებების და Lumière I-ის პრემიერიდან სამი წლის შემდეგ, მესამე ვერსია — Lumière III — მნიშვნელოვანი წინსვლის მაგალითია. ალგორითმების წერა ჰენკეს შემოქმედებითი პრაქტიკის განუყოფელი ნაწილია, მაგრამ Lumière ლაზერის განათების მართვის აქამდე არარსებული, უნიკალური სტრუქტურის განვითარების უფრო სიღრმისეულ და ზუსტ დონეს აღწევს. ჰენკეს მიერ შექმნილ პროგრამაში ლაზერის განათება გამომსახველობით მუსიკალურ ინსტრუმენტებად იქცევა, რომელსაც უნიკალური თვისებები და სრულიად ახალი შესაძლებლობები გააჩნია. სწრაფი და მოძრავი სარკეების საშუალებით სინათლით ხატვა მაღალტექნოლოგიურ კალიგრაფიას ქმნის და შედეგად მიღებული არტეფაქტის სიზუსტე ერთი ყოვლისმომცველი ტექნოლოგიის ორი ასპექტია. ბგერა და გამოსახულება ერთია, ერთიანი და აბსოლუტური მთლიანობა. Lumière III არის წარმოდგენა კონცერტისა და ვიზუალური ხელოვნების ზღვარზე. სახელწოდება Lumière ფრანგულად სინათლეს ნიშნავს, მაგრამ იმავდროულად, ადრეული ხანის კინემატოგრაფის პიონერებზე — ოგიუსტ და ლუი ლიუმიერებზეც მიანიშნებს.

რობერტ ჰენკე საქართველოში, ფილარმონიის დიდ საკონცერტო დარბაზში, 21 ივნისს დაუკრავს. კონცერტი 22:00-ზე დაიწყება. ბილეთების ფასი 10 ლარიდან იწყება და მისი შეძენა TKT.GE-ზე შეგიძლიათ.

შეგახსენებთ, რომ თანამედროვე მუსიკისა და ვიზუალური ხელოვნების საერთაშორისო ფესტივალი, SOU Festival 2017, 15 მაისს დაიწყო და 5 ივლისამდე გაგრძელდება. Sou Festival 2017 "Check in Georgia"-ს ფარგლებში იმართება.