ლიტვის საგარეო საქმეთა მინისტრის საქართველოს ეწვია. მას დაგეგმილი აქვს შეხვედრები საქართველოს პრეზიდენტთან, პრემიერთან, პარლამენტის თავმჯდომარესთან, საგარეო საქმეთა მინისტრთან და პატრიარქთან. ვიზიტის ფარგლებში გაიმართება საქართველო-ლიტვის ევროპული და ევროატლანტიკური ინტეგრაციის კომისიის მე-4 სხდომა.

დღეს ლინას ლინკევიჩუსი ოკუპირებული აფხაზეთის ე.წ. საზღვარზე არსებულ ვითარებას ხურჩასა და ენგურის ხიდზე გაეცნო. მინისტრის თქმით, რუსეთმა უნდა გააცნობიეროს, რომ მეზობელი ქვეყნის ტეროტორიის ოკუპაცია უპასუხოდ არ დარჩება და ამას სათანადო შედეგები მოჰყვება.

"დასანანია რომ საერთაშორისო დანაშაული, რომელიც სახეზეა, რაც დამოუკიდებელი სახელმწიფოს ანექსიაში, საზოგადოების შუაზე გახლეჩაში გამოიხატება და რაც ადამიანებს პრობლემებს უქმნის. რუსეთმა უნდა გააცნობიეროს, რომ მეზობლის ტერიტორიების მითვისება არ დარჩება შედეგების გარეშე, ამ ქმედებებს შესაბამისი შედეგები მოჰყვება და არ არის საუბარი მხოლოდ საქართველოზე, საუბარია ყირიმსა და სხვა რეგიონებზე,"- განაცხადა ლინკევიჩუსმა.

მისივე თქმით, საერთშორისო ბერკეტი რუსეთის წინააღმდეგ არის არაღიარების პოლიტიკა, რომელიც უნდა გაგრძელდეს ფინანსური, პოლიტიკური და სხვადასხვა ასპექტებით.