ხაშურის რაიონში, მდინარე სურამულაში გუშინ საღამოს ჩავარდნილი 43 წლის კაცის ცხედარი გვიან ღამით იპოვეს. ნარვანის მკვიდრი ვასო ღონღაძე ადიდებულ მდინარეში ჩავარდა და დინებამ გაიტაცა. მისი დახმარება თანასოფლელებმა ვერ შეძლეს.

მწყემსის ცხედარი სოფელ ქენდერში აღმოაჩინეს, მას შემდეგ რაც წყლის დონემ დაიკლო.

შეგახსენებთ, რომ მამაკაცი მდინარეში გვიან ღამით, დაახლოებით 23:00 საათისთვის ჩავარდა. მის სამძებრო სამუშაოებში სამაშველო სამსახურებთან ერთად ადგილობრივი მოსახლეობაც ჩართული იყო.