პატრიარქის დაცვის წევრები გაათავისუფლეს

პოლიტიკა - 15:11, 10 Jun, 2017

4044

საქართველოს კათალიკოს-პატრიარქის დაცვის თანამშრომლები, რომლებიც წლების მანძილზე მის უსაფრთხოებას უზრუნველყოფდნენ, გათავისუფლებული არიან.
დაცვის თანამშრომელთა შეცვლა ,,ნიუპოსტს" საპატრიარქოს პრესსამსახურშიც დაუდასტურეს, თუმცა მათი განმარტებით, ეს საკითხი სახელმწიფო დაცვის სპეციალური სამსახურის პრეროგატივაა. ,,მხოლოდ დაცვის თანამშრომელთა ნაწილი შეიცვალა და გადაიყვანეს სხვა სამსახურში" - აცხადებენ საპატრიარქოს პრესცენტრში.
სხვა განყოფილებაში გადაყვანას ,,კურიერთან" ადასტურებს პატრიარქის დაცვის ყოფილი წევრიც სოსო ელიზბარაშვილი.

შეგახსენებთ, რომ რამდენიმე დღის წინ, პატრიარქის უსაფრთხოების სამსახურის მოქმედი ხელმძღვანელი, ზურაბ ბუჩუკური, თანამდებობიდან გაათავისუფლეს. ის ამ პოსტზე ვანო კობაიძემ ჩაანაცვლა.

ინფორმაცია იმის შესახებ რომ პატრიარქის დაცვის უფროსის თანამდებობაზე ვანო კობაიძის კანდიდატურა განიხილებოდა ჯერ კიდევ თებერვალში გავრცელდა, მას შემდეგ რაც აღნიშნული თანამდებობა სოსო ოხანაშვილმა დატოვა, თუმცა მაშინ ოხანაშვილი ზურაბ ბუჩუკურმა ჩაანაცვლა. ამ უკანასკნელმა კი თანამდებობა 30 მაისს დატოვა.

კულუარული ინფორმაციით, ზურაბ ბუჩუკური ჭყონდიდის მიტროპოლიტის, მეუფე პეტრე ცაავას სულიერი შვილია, რაც მისი გათავისუფლების მიზეზი გახდა.