„ბირჟა მაფიას“ წევრების საქმე - საქართველოს განათლებისა და მეცნიერების მინისტრი, ვიცე-პრემიერი ალექსანდრე ჯეჯელავა რეპერების დაკავებას მათ მიერ გადაღებულ ვიდეოკლიპს არ უაკვშირებს:

„ჩემი აზრით, სამართალდამცავების მიმართ ასეთი უპატივცემულობა არის საშინელება და სახელმწიფოებრიობის წინააღმდეგ გადადგმული ნაბიჯი, თუმცა ამისთვის მათ პასუხს ვერ აგებინებდნენ და საუბარი იმაზე, რომ კანონი დავარღვიე, მაგრამ რაღაც სხვა მიზეზით მაგებინეს პასუხი, მგონი არასერიოზულია.

მეორე მხრივ, ვფიქრობ რომ საზოგადოების მაღალი ინტერესიდან გამომდინარე, ყველაფერი უნდა გაკეთდეს რომ მაქსიმალურად გამჭვირვალე და გასაგები იყოს ყველასთვის მათი ბრალეულობა და ამ საქმის მიმდინარეობა“, - განაცხადა ალექსანდრე ჯეჯელავამ.