"უწმინდესი პროკურატურამ შეცდომაში შეიყვანა, ჩვენ ვეტყვით ვინ ფიგურირებს საქმეში საპატრიარქოს მხრიდან"

პოლიტიკა - 16:25, 09 Jun, 2017

2915

ე.წ. ციანიდის საქმეზე ბრალდებული სასულიერო პირის, დეკანოზ გიორგი მამალაძის ძმა, თორნიკე მამალაძე "ნიუპოსტთან" საუბრისას ამბობს, რომ დაკავებულის ოჯახი ჯერ-ჯერობით პატრიარქთან ისევ ელოდება პასუხს, შეხვდება თუ არა ის მამალაძეების ოჯახს ადვოკატებთან ერთად.

"ჯერ-ჯერობით სიახლე არაფერი არ არის, საპატრიაქოდან მიკავშირდებიან და მეუბნებიან, რომ მხოლოდ ოჯახის წევრები... ჩემი პოზიციია, რომ ადვოკატებთან ერთად შევხვდე პატრიარქს. როგორც თქვენთვის ცნობილია, უწმინდესთან პროკურატურის მაღალჩინოსნები ბრძანდებოდნენ, რომლებმაც თავის მხრიდან საქმის მასალები გააცნეს პატრიარქს რითაც ილია მეორე შეცდომაში შეიყვანეს. ჩვენ კი გვინდა, პატრიარქს დავანახოთ ის სიმართლე რაც მამა გიორგის აქვს, რომელსაც მამა გიორგი შეეწირა. ვეტყვით იმას, თუ ვინ ფიგურირებს საქმეში საპატრიარქოს მხრიდან. ციანიდის საქმეზე უწმინდესს, სრულ ინფორმაციას არ აწვდიან"- განაცხადა "ნიუპოსტთან" დაკავებული სასულიერო პირის ძმამ თორნიკე მამალაძემ.

მისი თქმით, პატრიარქი თანახმა იყო დაკავებულ დეკანოზსს შეხვედროდა.

"როცა პატრიარქი გერმანიიდან ჩამოვიდა და როცა მას ჩვენი ადვოკატები შეხვდნენ, პატრიარქმა დაუფიქსირა პოზიცია, რომ მამა გიორგი ენდობა და და სურდა რომ მამა გიორგი თავდებით გამოეყვანათ გარეთ, ამის შემდეგ მეუფე იაკობმა პატრიარქს უთხრა, რომ მამა გიორგი თუ გარეთ გამოვა მოკლავენო და გადააფიქრებინეს და ის დღეს საბყრობილეშია. მე დარწმუნებული ვარ რომ პატრიარქს სურდა და სურს შეხვედრა, თუმცა სრულ ინფორმაციას არ აწვდიან"- აცხადებს დაკავებულის ძმა.

როდის შეხვდება პატრიარქი „ციანიდის საქმეზე“ დაკავებული დეკანოზის ოჯახის წევრებსა და ადვოკატებს ჯერჯერობით უცნობია. საქართველოს საპატრიარქოს საგარეო ურთიერთობათა განყოფილების ხელმძღვანელის დეკანოზ კახაბერ გოგოტიშვილის თქმით, შეხვედრის ორგანიზება მას დეკანოზ მამალაძის ძმამ, თორნიკე მამალაძემ სთხოვა, მაგრამ 5 ივნისს დაგეგმილი შეხვედრა მცირე გაუგებრობის გამო ჩაიშალა.