პარლამენტი ადგილობრივი თვითმმართველობის კოდექსში შესატანი ცვლილებების განხილვას იწყებს

პოლიტიკა - 12:30, 09 Jun, 2017

1170

საქართველოს პარლამენტი ადგილობრივი თვითმმართველობის კოდექსში შესატანი ცვლილებების განხილვა იწყებს. ცვლილებების მიხედვით, რომელიც მთავრობის მიერ არის ინიცირებული, იგეგმება მუნიციპალიტეტების ტერიტორიული ოპტიმიზაცია , რაც მათ გაერთიანებას გულისხმობს. პროექტს დღეს განათლებისა და მეცნიერების, იურიდიულ, ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების და საფინანსო-საბიუჯეტო კომიტეტებში განიხილავენ.

ცვლილებების პროექტის თანახმად თვითმმართველი ქალაქების რაოდენობა 12-დან 5 მდე შემცირდება. საქართველოს რეგიონალური განვითარებისა და ინფრასტრუქტურის სამინისტროს მიერ მომზადებული საკანონმდებლო პროექტის თანახმად, თვითმმართველი ქალაქის სტატუსი ექნება მხოლოდ თბილისს, რუსთავს, ქუთაისს, ფოთს და ბათუმს.

წარდგენილი პროექტის 14 მუნიციპალიტეტის გაერთიანებას და 7 ახალი მუნიციპალიტეტის შექმნას ითვალისწინებს. ქალაქისა და მუნიციპალიტეტის გაერთიანების პრონციპით შეიქმნება გორის, ამბროლაურის, მცხეთის, ოზურგეთის, თელავის, ახალციხისა და ზუგდიდის მუნიციპალიტეტები.

უმრავლესობის შეფასებით, ცვლილებები თვითმმართველი ქალაქების გაძლიერებას ისახავს მიზნად.

ოპოზიცაში კი ფიქრობენ, რომ რეფორმა ამცირებს მოქალაქეების ჩართულობას, რაც კიდევ უფრო გაართულებს არსებული პრობლემების მოგვარებას.