საკონსტიტუციო ცვლილებათა პროექტზე საკომიტეტო მოსმენები გრძელდება. დეპუტატები ვენეციის კომისიის საბოლოო დასკვნას ელოდებიან, რის შემდეგაც პროექტს პლენარულ სხდომაზე გაიტანენ. დოკუმენტს კანონმდებლებს პარლამენტის თავმჯდომარე ირაკლი კობახიძე აცნობს.

დღევანდელ სხდომაზე დეპუტატები ყურადღებას მანდატების გადანაწილების პროცესზე გაამახვილებენ. ვენეციის კომისიის წინასწარ დასკვნაში ერთ-ერთი მთავარი შენიშვნა, სწორედ აღნიშნულ საკითხს უკავშირდება.

„კონსტიტუციის პროექტში ძირითადი პრინციპები, რაც იცვლება ეს არის საარცევნო სისტემა, ეს არის პრეზიდენტის არჩევის წესი, ეს არის მათ შორის უფლებამოსილების გამიჯვნა და საპარლამენტო სისტემის გაძლიერება, ამ პრინციპებთან დაკავშრებით, ვენეციის კომისიას აქვს დადებითი მოსაზრებები წინასწარ გამოხატული“, - აცხადებს ეკა ბესელია.