საარჩევნო სისტემა - ვენეციის კომისია რეფორმის ხარვეზებზე საუბრობს

პოლიტიკა - 20:18, 08 Jun, 2017

1513

საქართველოს კონსტიტუციის პროექტთან დაკავშირებით ვენეციის კომისიას ყველაზე მეტი შენიშვნა საარჩევნო სისტემასთან დაკავშირებით აქვს. კომისიის დასკვნით ქვეყანაში არსებობს საპარლამენტო უმრავლესობის დომინირების რისკი, ამიტომ მას უნდა ჰქონდეს შეკავებისა და გაწონასწორების მექანიზმი, მაგალითად, მეორე პალატის შექმნა, რათა გაძლიერდეს პარლამენტში ოპოზიციის როლი.

კომისია დადებითად აფასებს პროპორციულ საარჩევნო სისტემაზე გადასვლას თუმცა აცხადებს, რომ ეს პოზიტიური ცვლილება სამი მექანიზმით იზღუდება. ეს არის : 5%-იანი ბარიერის შენარჩუნება, გაუნაწილებელი მანდატების გამარჯვებული პარტიისთვის მიკუთვნება და საარჩევნო ბლოკების გაუქმება.

ვენეციის კომისიის რეკომენდაციით, მხედველობაში უნდა იქნეს მიღებული გაუნაწილებელი მანდატების განაწილების სხვა შესაძლებლობები, როგორიცაა:

- პროპორციული განაწილება ყველა იმ პარტიას შორის, რომელიც გადალახავს 5%-იან ბარიერს, ან:

- დაწესდეს გაფლანგული ხმების რაოდენობის ზედა ზღვარი, რომელიც გამარჯვებულ პარტიას შეხვდება;

- და/ან დაიწიოს ბარიერმა 2 ან 3%-მდე, ამგვარად დარჩენილ მანდატებზეც გავრცელდეს პროპორციული სისტემა.