პრეზიდენტის არჩევის წესი - რა შენიშვნები აქვს ვენეციის კომისიას

პოლიტიკა - 20:03, 08 Jun, 2017

1636

საქართველოს კონსტიტუციის პროექტთან დაკავშირებით ვენეციის კომისიის წინასწარი დასკვნის ერთ-ერთი პუნქტი პრეზიდენტის არჩევის წესსაც ეხება. კომისიის შეფასებით პრეზიდენტის არაპირდაპირი არჩევის წესის შემოღება, როგორც ასეთი, თანხვედრაშია ევროპულ სტანდარტებთან და მისასალმებელია ის, რომ წესის ცვლილება მომავალი არჩევნების ნაცვლად 2023 წლისდან ამოქმედდება. თუმცა კომისია ხაზს უსვამს იმას, რომ არაპირდაპირი წესით არჩევაზე გადასვლამ არ უნდა გამოიწვიოს ის, რომ პრეზიდენტად მუდმივად და ექსკლუზიურად საპარლამენტო უმრავლესობის მიერ წარდგენილ კანდიდატს ირჩევდნენ.

,,საქართველოს კონსტიტუციური მოწყობის მიხედვით პრეზიდენტი აბალანსებს ძლიერ მთავრობას დიდი საპარლამენტო უმრავლესობით. ამის შედეგად, არაპირდაპირი წესით არჩევაზე გადასვლამ არ უნდა გამოიწვიოს ის, რომ პრეზიდენტად მუდმივად და ექსკლუზიურად ირჩევდნენ საპარლამენტო უმრავლესობის მიერ წარდგენილ კანდიდატს. ამდენად, პარლამენტში (აგრეთვე ხმოსანთა საბჭოში) პლურალიზმის უკეთ უზრუნველსაყოფად საჭიროა შეკავებისა და წონასწორობის ბალანსის დაცვა.“- აღნიშნულია დასკვნაში.

ვენეციის კომისია პრეზიდენტის არაპირდაპირი წესით არჩევის კონტექსტში კვლავ იმეორებს გაუნაწილებელი მანდატების პროპორციულად განაწილების და/ან ბარიერის დაწევის შესახებ რეკომენდაციას და აღნიშნავს, რომ პრეზიდენტის პირველ რაუნდში ასარჩევად საჭირო უნდა იყოს კვალიფიციური უმრავლესობა.