რუსთავში უბედური შემთხვევა მოხდა, ე.წ ახალი ხიდის მიმდებარედ არსებულ ტბაში 9 წლის ბიჭი დაიხრჩო. შემთხვევა დაახლოებით, 17:30 წუთზე მოხდა. თვითმხილველების თქმით ბავშვი საცურაოდ ღრმა წყალში შევიდა, მის დასახმარებლად ტბაში ერთ--ერთი თვითმხილველიც გადახტა , თუმცა უშედეგოდ. ადგილზე მობილიზებული იყო სასწრაფო, სამაშველო და საპატრულო ეკიპაჟი. ამ დროისთვის ტბაში ცხედრის ძებნის პროცესი მიმდინარეობს.

როგორც „ნიუპოსტს“ შინაგან საქმეთა სამინისტროში განუცხადეს, მომხდართან დაკავშირებით, გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს.