"რუსეთი საქართველოს NATO-ში გაწევრიანებას ხელს ვერ შეუშლის, ნატოს კარი ღიაა"- იენს სტოლტენბერგი

პოლიტიკა - 17:21, 08 Jun, 2017

2777

ჩრდილო-ატლანტიკური ალიანსის გენერალური მდივანი იენს სტოლტენბერგის აცხადებს, რომ NATO-ს კარი ღია რჩება ყველა იმ ქვეყნისთვის, რომელიც ალიანსის ღირებულებებს იზიარებს და შესაბამის რეფორმებს ატარებს. ამის შესახებ სტოლტენბერგმა le figaro -სთან ინტერვიუში ისაუბრა.

"მონტენეგრო 5 ივნისს გახდა ნატოს 29-ე წევრი, რუსეთი ამ პატარა ბალკანურ სახელმწიფოს დაპირდა, რომ მის წინააღმდეგ „საპასუხო ნაბიჯებს“ გადადგამს. მონტენეგროს ალიანსში შესვლით ნატოს კარი აღმოსავლეთით დაიხურა, თუ ის კვლავ ღია რჩება უკრაინისა და საქართველოსთვის?"- მიმართა კითხვით le figaro-მ ალიანსის მდივანს.

„კარი ღია რჩება. მაგრამ ნატოში შესვლისთვის საჭიროა, რომ ქვეყანა პატივს სცემდეს მის სტანდარტებს, ქონდეს სწრაფვა რეფორმებისკენ, კორუფციის წინააღდეგ ბრძოლისა და კანონის უზენაესობისკენ.

გადაწყვეტილება მიღებული უნდა იქნეს 29 ქვეყნის კონსესუსის შედეგად, მაგრამ არცერთ შემთხვევაში რუსეთს უფლება არ ექნება ეს პროცესები დაბლოკოს. ყველა სუვერენულმა ქვეყანამ თავად უნდა აირჩიოს თავისი გზა. არავის აქვს უფლება მის მაგივრად გადაწყვიტოს, არც რუსეთს. აქვე უნდა გვახსოვდეს, რომ ნატო კი არ მიიწევს აღმოსავლეთით, არამედ აღმოსავლეთის ქვეყნები მოდიან ნატოში.

ალიანს ძალიან დიდი იმედი აქვს იმ ყოფილი კომუნისტური ქვეყნებისა, რომლებიც ცივი ომის დროს დიქტატურის ქვეშ ცხოვრობდნენ , შემდეგ კი დემოკრატიულები გახდნენ, რეფორმები გაატარეს და ერთმანეთის მიყოლებით მოვიდნენ ჩვენთან. ჩვენ მათ გავუხსენით კარი და ეს კარი ღია რჩება.“- განაცხადა იენს სტოლტენბერგმა.