ევროკავშირის ელჩი საქართველოში იანოშ ჰერმანი აზერბაიჯანელი ჟურნალისტის საქმეზე კომენტარს აკეთებს. ჰერმანის ტქმით, საჭიროა დაველოდოთ საქმის გამოძიების შედეგებს:

„მე უკვე აღვნიშნე ის, რისი თქმაც ამ საკითხზე მინდოდა, ამაზე ევროკავშირის პოზიციაც არსებობს, რომელიც ორი დღის წინ გამოქვეყნდა. დასამატებელი არაფერი მაქვს. ნათელია, რომ არის მოლოდინი, რაც მოხდა, იქნება სრულიად და სწრაფად გამოძიებული, ასე რომ, ვნახავთ რა იქნება გამოძიების შედეგი“, - აღნიშნა იანოშ ჰერმანმა.

აფგან მუხთარლი გასულ კვირას გაუჩინარდა. როგორც ცნობილია, იგი აზრებაიჯანის ტერიტორიაზე გადაიყვანეს, მუხთარლის ადვოკატების თქმით, თბილისიდან იგი სამმა მამაკაცმა გაიტაცა და მას თავზე ტომარა ჩამოაცვეს. ასევე ვრცელდება ინფორმაცია, რომ მუხთარლის ფიზიკურადაც გაუსწორდნენ.