საქართველოს პარლამენტის თავმჯდომარემ კომიტეტის სხდომაზე განაცხადა, რომ ტერმინი მთავარსარდალი არ ნიშნავს იმას, რომ თავდაცვის სფეროს პრეზიდენტი უნდა მართავდეს

„რამდენიმე წლიანი გამოცდილება გვაქვს საპარლამენტო მმართველობის. ბუნებრივია, ხალხს უკვირს რას ჰქვია, სახელმწიფოს მეთაური ქვეყანას არ მართავს, რას ჰქვია მთავარსარდალი ჯარს ბრძანებას არ აძლევს და ასე შემდეგ, მაგრამ ეს არის საპარლამენტო მმართველობა. პრეზიდენტის მაღალი სიმბოლური სტატუსი არ ნიშნავს მის კომპეტენციებს. სტატუსსა და კომპეტენციებს შორის არის მხოლოდ არაპირდაპირი კავშირი. მაღალი სტატუსი პრეზიდენტს უნდა დარჩეს, თუმცა ეს არ ნიშნავს, რომ კომპეტენციები არასწორად დარეგულირდეს“, - აღნიშნა ირაკლი კობახიძემ