ფარმაცევტულ კომპანიებს შესაძლოა კლინიკებისა და სადაზღვევო კომპანიების მართვის უფლება აღარ ჰქონდეთ, აღნიშნული კანონპროექტის შესახებ ჯანდაცვის სამინისტრო მუშაობს. თემაზე კომენტარი დღეს საქართველოს ჯანდაცვისა და მეცნიერების მინისტრმა დავით სერგეენკომ გააკეთა:

”ცვლილებები მოიცავს რამდენიმე ათეულ კომპონენტს, მათ შორის იმას, რომ შეიძლება აღარ იყოს ვერტიკალური ინტეგრაცია, რაც ამ შემთხვევაში ნიშნავს, რომ კომპანიას კლინიკის და სადაზღვევო კომპანიის მართვის უფლება აღარ ჰქონდეს. თუმცა ეს არის სამუშაო დოკუმენტი, რომელიც გაივლის დარგის წარმომადგენლებთან ექსპერტიზას, შემდეგ ალბათ პარლამენტში იქნება მსჯელობა. მე ნამდვილად ვერ დავადასტურებ, რომ ეს არის იმპერატიული პირობა”, - განაცხადა სერგეენკომ.