„ნატოს ღია კარის პოლიტიკა არის უცვლელი და ეს ძალიან მნიშვნელოვანი გზავნილია“- ვიქტორ დოლიძე

პოლიტიკა - 13:35, 06 Jun, 2017

1269

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძემ მონტენეგროს ჩრდილო-ატლანტიკურ ალიანსში გაწევრიანება მიულოცა და აღნიშნული ფაქტის მნიშვნელობაზე ისაუბრა: „ჩვენ მივესალმებით ამ ფაქტს, რადგანაც ნატოს ღია კარის პოლიტიკა არის უცვლელი და ეს ძალიან მნიშვნელოვანი გზავნილია, მათ შორის, ჩვენი ქვეყნის მოქალაქეებისთვისაც. მე დარწმუნებული ვარ, რომ იმ ნაბიჯებს, რასაც საქართველო დგამს ნატოსთან, ისევე, როგორც ევროკავშირთან ინტეგრაციის თვალსაზრისით და საბოლოო მიზანი სწორედ წევრობაა, აუცილებლად გამოიღებს თავის შედეგებს. ვფიქრობ, აბსოლუტურად ლოგიკური იქნება, თუ შემდეგ გაფართოების ტალღაში მოხვდება საქართველო და ჩვენ მივაღწევთ ჩვენს მთავარ მიზანს.“
სახელმწიფო მინისტრმა საქართველოს ნატოში გაწევრიანების პერსპექტივებზეც ისაუბრა: „ეს პირდაპირ, ყველა დოკუმენტში დაფიქსირებულია, თუკი გადახედავთ, მათ შორის, ნატოს ბოლო სამიტზეც გაიჟღერა ამ თემამ. ის ,რომ მონტენეგროს შემდეგ კარი რჩება ღია და ეს პირდაპირ უკავშირდება საქართველოს, მე მგონი ამაზე უკვე აღარავინ კამათობს “-აღნიშნა ვიქტორ დოლიძემ ჟურნალისტებთან საუბრისას.