ოზურგეთში შენობის ხარაჩოდან მუშა ჩამოვარდა

შემთხვევა - 12:11, 06 Jun, 2017

1746

ოზურგეთში ფოლკლორის ცენტრის შენობის ხარაჩოდან მუშა ჩამოვარდა. მამაკაცს ქუსლის ძვლის მოტეხილობა აღენიშნება და ამ წუთებში ოპერაცია უტარდება.
როგორც ,,ნიუპოსტის" კორესპონდენტს ადგილზე განუცხადეს, სამუშაოს დროს მუშას ფეხი დაუცურდა და ხარაჩოდან ჩამოვარდა. სავარაუდო მიზეზი საყრდენი ფიცრის ჩატეხვა გახდა.
ადგილზე სამართალდამცავები მუშაობენ.
ოზურგეთის სამედიცინო ცენტრის ინფორმაციით, დაზარალებული აზერბაიჯანის მოქალაქე, 36 წლის მამაკაცია. მას ქუსლის ძვლის არეში მრავლობითი სხვადასხვა სირთულის მოტეხილობა აღენიშნება, თუმცა მისი მდგომარეობა ამ დროისთვის სტაბილურია: „მდგომარეობა სტაბილურია, მის სიცოცხლეს საფრთხე არ ემუქრება და პაციენტს ვამზადებთ ოპერაცისათვის.“ -აცხადებენ სამედიცინო ცენტრში.შეგახსენებთ, რომ ოზურგეთის ისტორიულ მუზეუმში შენობის სარეაბილიტაციო სამუშაოები რამდენიმე თვის წინ დაიწყო. მუზეუმის შენობაში ფოლკლორის ცენტრი ერთ-ერთ ფლიგელში განთავსდება.

როგორც "ნიუპოსტს" შს სამინისტროში უთხრეს, მომხდართან დაკავშირებით, სსკ-ის 240-ე მუხლის პირველი ნაწილით დაიწყო, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.